Assalamualaikum wr wb, alhamdulillahi
rabbil ‘alamina, washolatu was salaamu ‘ala asyrofil anbiyaa-i wal mursaliina
sayyidina wa maulaana muhammadin, wa ‘ala aalihi wa shohbihi ajma’iina. Robbis
rohlii shodrii, wa yassirlii amrii, wahlul ‘uqdatam mil lisaani yafqohu qoulii.
Amma ba'du
Dhumateng bapak-ibu sesepuh lan pinisepuh ingkang sanget
kula bektosi
Dhumateng poro alim ulama ingkang kula bektosi, linangkung
dhumateng bapak ustaz
________________ ingkang
ka antu antu sabda tamanipun miwah barokah donganipun
Dhumateng bapak lurah hargorejo kula kurmati
Dhumateng ibu dukuh penggung, bapak dukuh anjir, bapak
dukuh pandu ingkang kula kurmati
Dhumateng bapak ibu tamu undangan ingkang kula kurmati
Dhumateng jamaah pengaosan samudayanipun rohimakumullah
Nyuwun pangapunten, keparenga
kula jumejer wonten ing titi laksana menika, supados nderekaken ikror syawalan.
Supados khidmat anggenipun kita sedaya ngikroraken syawalan menika, mangga
bapak ibu kasuwun sami jumeneng………..
Ikror badhe kula waosaken,
bapak ibu kita suwun nderekaken.
---------------------------------------------------------------------------------------------------------------------------
Bismillahirrahmanirrahim
Ashadualla illa haillallah, waashadu anna muhammadarrasulullah.
Astagfirullahaladzim (3x)
Ya ihwani, wa ikhwati, isfakuli, wa’asfakulakum
Kepareng kula, matur dhumateng, panjenengan sedaya,
dhumateng para pinisepuh,
lan sesepuh, kula nyaosaken, pangabektos. Dhumateng
ingkang, kapernah muda,
kula ngaturaken, salam taklim. Saklajengipun, kula ngaturaken,
sedaya kalepatan,
ingkang arupi wiraos, utawi lampah, ingkang panjenengan
penggalih, kirang kaleresan,
utawi nyakitaken manah, kanthi ikror menika, kula nyuwun
pangapunten, lahir terasing batos. Kosok wangsulipun, mbok bilih panjenengan,
kagungan kalepatan, dhumateng kula pribadi, kula ugi tansah, sumadya caos
pangapunten.
Semanten ugi, hibah panjenengan, ingkang dhateng kula,
ingkang dereng halal,
kula suwun halalipun, minangka kangge, nyantosani, lan
nambahi, kemaslahatan,
anggen kita, sami nglampahi ngibadah.
Akhiripun, mangga, sami donga-dinonga, mugi-mugi, kita
sedaya, kaparingan, kawilujengan, kesehatan, ketenangan, kangge ngadepi, sedaya
hambatan-hambatan, lan tantangan-tantangan. Mugi-mugi, kita sedaya, kaparingan,
kandel raosing iman, islam, ikhsan, fiddunya wal akhirah.
Robbana atina fiddunya khasanah, wafilakhiroti
khasanah, waqina adza bannar.
Minal aidin wal faizin, waantumbikhoiri daimin,
illa yaumiddin
Takhobaullahu minna waminkum, takhobal ya karim
Amin ya robbal alamin
---------------------------------------------------------------------------------------------------------------------------
Bapak ibu kita suwun lenggah
malih………….
Mekaten ikrar syawalan ingkang
saged kula aturaken. Mbok bilih wonten kathah kalepatanipun nyuwun pangapunten.
Kula pungkasi, Assalamualaikum wr wb,